Dünya

ABŞ hərbi nümayəndə heyəti Türkiyəyə səfər edəcək

ABŞ Müdafiə Nazirliyinin texniki heyətinin iyunun 24-də Türkiyəyə səfər edəcəyi gözlənilir.
“Report” xəbər verir ki, məlumatı “CNNTurk” yayıb.
Bildirilib ki, NATO-nun Əfqanıstandakı “Qətiyyətli Dəstək” proqramını başa çatdırması barədə açıqlamasından sonra bu ölkədəki vəziyyətin əhəmiyyəti artıb. Bu məsələ iyunun 16-da Alyansın Brüsseldə keçirilən zirvə toplantısında bəyan edilib.
Vurğulanıb ki, ABŞ-ın texniki heyəti Türkiyənin Əfqanıstandakı hərbçilərinin gələcək xidmətini və Kabuldakı Həmid Karzay Beynəlxalq Hava Limanının mühafizəsini müzakirə edəcəyi gözlənilir.
Qeyd edək ki, Türkiyə Prezidenti Rəcəb Tayyib Ərdoğan hərbçilərinin Əfqanıstanda dəstəksiz qalmayacağını bildirmişdi.
Xatırladaq ki, ABŞ başda olmaqla NATO bu ilin may ayından sentyabradək hərbçilərini Əfqanıstandan çıxaracağını elan edib.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button