Dünya

ABŞ-ın müdafiə naziri yeni müharibə ehtimalları haqqında bildirib

Pentaqon rəhbəri Lloyd Ostin ABŞ Konqresinin Nümayəndələr Palatasının Silahlı Qüvvələrin işləri üzrə Komitəsində çıxış edərkən Brləşmiş Ştatların müdafiə büdcəsi üzrə təkliflərin hazırlığı zamanı yeni müharibə ehtimallarının nəzərə alındığını bildirib.
“Report” xarici mətbuata istinadən xəbər verir ki, bu barədə Pentaqonun saytı məlumat yayıb.
“Müdafiə Nazirliyi rəqiblərimizlə ayaqlaşmaq, zəruri olduqda vuruşmaq və növbəti müharibəni udmaq üçün hazır olmalıdır”, – o deyib.
Ostinin sözlərinə görə, büdcədə Çinə daha çox diqqət yetirilməsi ehtiyacı nəzərə alınıb, bununla əlaqədar “Sakit okean təşəbbüsünə” 5 milyard ABŞ dollarından çox vəsaitin xərclənməsi planlaşdırılır.
Nazir Çin Xalq Respublikasına qarşı mübarizəni gücləndirməyə, regional müttəfiqlər və tərəfdaşlar şəbəkəsini canlandırmağa, qabaqcıl qabiliyyətlərin və yeni əməliyyat konsepsiyalarının inkişafını sürətləndirməyə yönəlmiş daxili təlimat verdiyini qeyd edib.
Bundan əlavə, Ostin büdcənin tərtib edilməsi zamanı prioritet məsələlər kimi “Rusiya tərəfindən xüsusilə kiber məkanda düşmənçiliyi qeyd edib. O, bildirib ki, kibertəhlükəsizlik, kiber əməliyyatları, kiber təhlükəsizliyin tədqiqatına və inkişafına 10 milyard ABŞ dolları ayrılması nəzərdə tutulub.
Pentaqon rəhbəri həmçinin kosmos, raket əleyhinə müdafiə ilə büdcənin Şimali Koreya və İran kimi ölkələrin artan ballistik raket imkanlarına qarşı durmağa kömək edəcəyini deyib.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button