Cəmiyyət

Abşeronda ticarət mərkəzindən oğurluq edilib

Abşeron rayonunda oğurluq edən şəxslər tutulub.
Bu barədə “Report”a Daxili İşlər Nazirliyinin (DİN) Mətbuat xidmətindən məlumat verilib.
Bildirilib ki, Abşeron Rayon Polis İdarəsi (RPİ) əməkdaşlarının keçirdikləri əməliyyat-axtarış tədbirləri nəticəsində iyunun 30-da rayon ərazisindəki ticarət mərkəzlərinin birindən 3 416 manat dəyərində noutbuk, 4 ədəd kamera və videoproyektor oğurlamaqda şübhəli bilinən Şirvan şəhər sakini C.Quliyev saxlanılıb.
Bundan başqa, Abşeron RPİ əməkdaşlarının keçirdikləri əməliyyat-axtarış tədbirləri nəticəsində iyunun 30-na keçən gecə rayon ərazisindəki evlərin birindən 1 300 manat pul oğurlamaqda şübhəli bilinən Bakı şəhər sakini, əvvəllər məhkum olunmuş A.Dadaşov saxlanılıb.
Ətrafında aparılan tədbirlərlə onun digər evdən 2 ədəd ov tüfəngi oğurlaması və L.Nağıyevə məxsus “Nissan” markalı avtomobili qaçırması da müəyyən edilib.
Polis əməkdaşları tərəfindən A.Dadaşovdan tüfənglər götürülən, avtomobil Masazır qəsəbəsi ərazisində tapılıb.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button