İdman

AFFA “Traktor”un hücumçusunu milliləşdirə bilər

Azərbaycan yığmasının baş məşqçisi Canni de Byazinin göstərişi ilə milliləşdirilmə prosesini sürətləndirən AFFA daha bir futbolçunu gözaltı edib.

Apasport.az saytının əldə etdiyi məlumata görə, assosiasiya İranın “Taktor” klubunun hücumçusu Məhəmməd Abbaszadə ilə maraqlanır.

30 yaşlı forvardın qolçuluq bacarığını ötən ilindən formasını geyindiyi “Taktor”da da davam etdirməsi skautların diqqətindən yayınmayıb. Üstəlik, Abbaszadənin indiyə qədər İran millisinə çağırılmaması da AFFA rəhbərliyini ümidləndirib. Təcrübəli futbolçu Asiya Çempionlar Liqasının qrup mərhələsi çərçivəsində aprelin 14-də “Paxtakor”la səfər matçında dubl edərək (3:3), komandasına 1 xal qazandırıb.

Qeyd edək ki, bu mövsüm “Traktor”un heyətində İran çempionatında 9 qola imza atan Məhəmməd Abbaszadə bombardirlər yarışında 3-cü pillədə qərarlaşır.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button