Dünya

Arıqlamaq istəyənlər üçün səhər yeməyi

“Əlavə çəki itirməyə çalışan insanın səhər yeməyi bir neçə vacib komponentdən ibarət olmalıdır”.
“Report” xəbər verir ki, bu barədə Rusiya Federasiyası Səhiyyə Nazirliyinin “Milli Tibbi Tədqiqat Endokrinoloji Mərkəzi”nin həkimi, qidalanma mütəxəssisi Tatyana Strelnikovanın “Komsomolskaya Pravda” qəzetindəki məqaləsində yer alır.
Onun sözlərinə görə, səhər yeməyinin əsasını protein təşkil etməlidir.
“Bu hüceyrələr üçün tikinti materialıdır və uzun müddət toxluq hissi yaradır. Yumurta, kəsmik, ağ pendir, təbii yoqurt, azca duzlanmış qızıl balıq səhər yeməyi üçün idealdır. Süd məhsulları seçərkən məhsulun yağlılıq nisbətini nəzərə almalısınız. Səhər yeməyində pendirə üstünlük verilirsə, tərkibində trans yağları olmayan ağ pendir alın”.
Həkim əlavə edib ki, səhər yeməyi zamanı zeytun yağı istifadə etmək daha yaxşıdır: “İçki kimi təzə hazırlanmış qəhvə və ya bitki çayını seçin”.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button