İdman

“Fənərbağça”nın qapıçısı Bakıdakı oyunları buraxa bilər

Türkiyə millisinin və “Fənərbağça”nın qapıçısı Altay Bayındır zədələnib.

“Report” İstanbul klubunun rəsmi saytına istinadən xəbər verir ki, 23 yaşlı qolkiper ötən gün məşq zamanı əlindən ağır xəsarət alıb.

Bu gün tibbi müayinədən keçən oyunçunun biləyində sınıq aşkarlanıb. Yaxın günlərdə əməliyyat olunacaq qapıçının mövsümün qalan matçlarında meydana çıxa bilməyəcəyi və yaşıl meydanlardan təqribən 3 ay uzaq qalacağı açıqlanıb. Gənc qolkiperin Avropa çempionatını da buraxacağı gözlənilir.

Daha əvvəl Türkiyə millisinin və “Beşiktaş”ın hücumçusu Cenk Tosun zədələnərək, mövsümün vaxtından əvvəl başa vurub.

Qeyd edək ki, koronavirus pandemiyasına görə təxirə salınmış AVRO-2020-yə Sankt-Peterburq (Rusiya), London (İngiltərə), Münhen (Almaniya), Roma (İtaliya), Buxarest (Rumıniya), Dublin (İrlandiya), Kopenhagen (Danimarka), Bilbao (İspaniya), Qlazqo (Şotlandiya), Budapeşt (Macarıstan) və Amsterdam (Niderland) şəhərləri də ev sahibliyi etməlidir. Oyunlar bu il iyunun 11-dən iyulun 11-dək keçirilməlidir.

Təqvimə əsasən, Bakı Olimpiya Stadionu A qrupunun İsveçrə – Uels, Türkiyə – Uels və Türkiyə – İsveçrə qarşılaşmalarına, eləcə də 1/4 final mərhələsinin 1 oyununa ev sahibliyi edəcək. Dörd oyununun hər birində ümumi tamaşaçı tutumunun 50 faizi qədər azarkeş iştirak edə biləcək.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button