İqtisadiyyat

Avropanın nəhəng neft şirkətlərinin göstəriciləri bu il bərpa olacaq

Yüksək neft və qaz qiymətləri və emal marjaları, həmçinin artmış hasilat həcmləri Avropanın əsas neft şirkətlərinə bu il öz göstəricilərini pandemiyadan əvvəlki səviyyəyə qaytarmağa kömək edəcək.
“APA-Economics”in məlumatına görə, bu barədə “Fitch Ratings” beynəlxalq reytinq agentliyinin araşdırmasında deyilir.
Agentliyə görə, sözügedən şirkətlərin cari ilin I rübündəki maliyyə göstəriciləri də nikbin proqnozu dəstəkləyir. Belə ki, şirkətlərin 2021-ci ilin I rübündə kəskin artan (rüblük müqayisədə) EBITDA göstəricisi (faiz, vergi və amortizasiya hesablanmazdan əvvəlki mənfəət) bunu deməyə əsas verir.
Bundan əlavə, Avropanın nəhəng neft şirkətlərinin reytinqləri və reytinq üzrə proqnozları pandemiya dövründə dəyişməz qalıb. “Avropanın əsas neft şirkətləri” dedikdə, “Fitch” əsasən enerji sektorunun BP, “Eni”, “Shell” və “TotalEnergies” kimi nəhənglərini nəzərdə tutur.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button