İdman

Azərbaycan millisinə Fransadan futbolçu çağırılacaq

Ölkə xaricində axtarışlarını davam etdirən AFFA daha bir futbolçunu Azərbaycan millisinə dəvət etməyi planlaşdırır.
Apasport.az saytının əldə etdiyi məlumata görə, karyerasını Fransada davam etdirən Eldar Tağızadə əsas yığmanın formasını geyinməyə hazırlaşır.
Fransada Liqa2 təmsilçisi “Klermon” klubunun əvəzedici heyətində çıxış edən Tağızadə tezliklə yenidən ölkəmizə qayıdacaq. Əsas komandası Liqa1-ə yüksələn 18 yaşlı qolkiperin hətta qarşıdakı təlim-məşq toplanışına çağırılması da istisna edilmir.
Şahrudin Məhəmmədəliyevin zədədən əziyyət çəkməsi, ikinci qolkiper Emil Balayevin isə formadan uzaq düşməsi Tağızadənin yığmada debütünə yol açır. 2018-2019-cu illərdə U-17-yə dəvət alan Eldarın əsasən U-21 yığmamızda müntəzəm çıxışı gözlənilir.
Qeyd edək ki, “Neftçi”nin yetirməsi olan Eldar Tağızadə 2019-cu ilin yayında İspaniyanın “Market” klubuna, bu ilin yanvarında isə oradan “Klermon”a keçib. Onun fransızlarla müqavilə müddəti 2024-cü ilin yayına qədərdir.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button