İdman

Azərbaycan millisinin Avropa çempionatının final mərhələsində rəqibləri bəlli olub

Qadın voleybolçular arasında Avropa çempionatının final mərhələsinin püşkü atılıb. 
Apasport.az saytının məlumatına görə, avqustun 18-dən sentyabrın 4-dək Bolqarıstan, Rumıniya, Serbiya və Xorvatiyanın birgə ev sahibliyi edəcəyi həlledici mərhələdə Azərbaycan yığmasının rəqibləri də bəlli olub. 
Komandamız Belqradda baş tutan püşkün nəticəsinə əsasən A qrupunda yer alıb. Voleybolçularımız final mərhələsində Serbiya, Rusiya, Belçika, Fransa və Bosniya və Herseqovinaya rəqib olublar. Millimizin oyunları Belqradda “Ştark Arena”da baş tutacaq. 
Yığmalar hərəsində 6 komanda olmaqla 4 qrupda yarışacaqlar. Reqlamentə əsasən hər qrupdan 4 yığma isə pley-offa yüksələcək.
Pley-off və 1/4 final mərhələsinin görüşləri Belqradla Plovdivdə baş tutacaq. Medallar uğrunda matçlar isə Serbiyada yekunlaşacaq. Yarımfinal və final oyunlarına Belqrad ev sahibliyi edəcək. 
A qrupu, Belqrad: Serbiya, Azərbaycan, Rusiya, Belçika, Fransa, Bosniya və HerseqovinaB qrupu, Plovdiv: Bolqarıstan, Polşa, Almaniya, İspaniya, Çexiya, YunanıstanC qrupu, Zadar: Xorvatiya, İtaliya, Belarus, Slovakiya, Macarıstan, İsveçrəD qrupu, Kluj-Napoka: Rumıniya, Türkiyə, Hollandiya, Ukrayna, Finlandiya, İsveç
Qeyd edək ki, yığmamız final mərhələsinə son Avropa çempionatında 10-cu olmaqla vəsiqə qazanıb. 

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button