İdman

Azərbaycan taekvondoçuları lisenziya turnirinə yollanır

Taekvondo üzrə Azərbaycan milli komandası Bolqarıstana yollanıb.

Taekvondo Federasiyasından apasport.az saytına verilən məlumata görə, yığmamız paytaxt Sofiyada təşkil olunacaq Tokio Yay Olimpiya Oyunlarına lisenziya xarakterli Avropa Təsnifat Turnirinə qaydalara uyğun olaraq üç idmançı ilə qatılacaq.

Mayın 7-8-də baş tutacaq yarışda kişilər arasında Radik İsayev (80 kq), qadınların mübarizəsində isə Patimat Abakarova (49 kq) və Fəridə Əzizova (67 kq) mübarizə aparacaqlar.

Mayın 9-da parataekvondo üzrə Olimpiya Oyunlarına lisenziya xarakterli Avropa Təsnifat Turniri olacaq. Bu yarışda iki kişi və iki qadın həmyerlimiz lisenziya uğrunda döyüşlərə qatılacaq.

Mayın 6-da Bolqarıstana yollanacaq komandamızın heyətində İmaməddin Xəlilov (K-44, 61 kq), Əbülfəz Abuzərli (K-44, 75 kq), Röyalə Fətəliyeva (K-44, 49 kq) və Aynur Məmmədova  (K-44, + 58 kq) yer alacaq.

Federasiyanın vitse-prezidenti Niyaməddin Paşayev də komanda ilə birlikdə Sofiya şəhərinə yollanacaq.

Qeyd edək ki, taekvondoçularımızdan Milad Beigi Harçeqani (80 kq) artıq Olimpiadaya lisenziyanı təmin edib.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button