İqtisadiyyat

Azərbaycanda ötən il dövlət qulluqçularının orta aylıq əməkhaqqı 19%-dək artaraq 1 215 manatı ötüb

Bu il yanvarın 1-nə Azərbaycanda dövlət qulluqçularının sayı 26,7 min nəfər olub ki, onların da 27,5%-ni qadınlar təşkil edib. Dövlət qulluqçularının 6,4%-i dövlət orqanlarında inzibati vəzifələrin ali – 3-cü təsnifatları, 3,5%-i 4-cü təsnifatı, 12,3%-i 5-ci təsnifatı, 8,4%-i 6-cı təsnifatı, 48,8%-i 7-ci təsnifatı, 20,6%-i isə dövlət qulluğunun yardımçı vəzifələri üzrə işləyib.
“APA-Economics”in məlumatına görə, bu barədə Dövlət Statistika Komitəsinin açıqlamasında deyilir.
Qeyd olunub ki, dövlət qulluqçularının 6,3%-i 1 ilədək, 25,2%-i 1 ildən 5 ilədək, 24,4%-i 5 ildən 10 ilədək, 17,8%-i 10 ildən 15 ilədək, 26,3%-i isə 15 il və daha çox qulluq stajına malikdir.
Dövlət qulluqçularının 2,7%-ni 25 yaşadək, 13,7%-ni 25-29 yaşda, 16,8%-ni 30-34 yaşda, 14,8%-ni 35-39 yaşda, 12,3%-ni 40-44 yaşda, 9,1%-ni 45-49 yaşda, 8,7%-ni 50-54 yaşda, 10,9%-ni 55-59 yaşda, 9,2%-ni 60-64 yaşda, 1,8%-ni 65 və yuxarı yaşda olan şəxslər təşkil edib.
2020-ci ildə dövlət qulluqçularının orta aylıq nominal əməkhaqqı əvvəlki ilə nisbətən 18,9% artaraq 1 215,5 manat təşkil edib.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button