İqtisadiyyat

Azərbaycanda ötən il poçt xidmətlərindən əldə olunan gəlirlər açıqlanıb

2020-ci ildə Azərbaycanda poçt xidmətlərindən əldə olunan gəlirlərin həcmi bir il öncəki göstərici ilə müqayisədə 6,9 mln. manat və ya 11,7% azalıb.
“APA-Economics” xəbər verir ki, bu barədə Dövlət Statistika Komitəsinin hesabatında deyilir.
Qeyd olunur ki, ötən ilin nəticələrinə görə, ölkədə poçt xidmətlərindən əldə olunan gəlirlərin həcmi 52,2 mln. manat təşkil edib.
Hesabat ilində ölkədə 20 yeni poçt şöbəsi istifadəyə verilib. Ümumilikdə, ölkə üzrə poçt şöbələrin sayı 1 705 vahid təşkil edib ki, onlardan 1 289-u kənd yerlərində yerləşir. Ötən ilin sonuna olan göstəriciyə uyğun olaraq poçtalyonların sayı 1 235 nəfər olub ki, onlardan 449 nəfəri kənd yerlərində fəaliyyət göstərib.
Poçtla məktub göndərişləri 2020-ci ildə (2019-cu illə müqayisədə) 3,1% artaraq 6,6 mln. təşkil edib. Hesabat dövründə poçt şəbəkəsi üzrə 335,6 min ədəd bağlama göndərilib ki, bu da 2019-cu ilin göstəricisi ilə müqayisədə 2 dəfə çoxdur.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button