İqtisadiyyat

Azərbaycanda traktor istehsalı kəskin artıb

Bu ilin yanvar-iyun aylarında Azərbaycanda 296 traktor istehsal olunub ki, bu da illik müqayisədə 2,8 dəfə çoxdur.
“APA-Economics”in Dövlət Statistika Komitəsinə istinadən verdiyi məlumata görə, təkcə iyun ayında 57 vahid sözügedən texnikadan buraxılıb ki, bu da may ayı ilə müqayisədə 26% azdır. İyulun 1-nə hazır məhsul ehtiyatı 65 traktor təşkil edib.
Qeyd edək ki, 2020-ci ildə Azərbaycanda 300 traktor istehsal olunub, bu da illik müqayisədə 66,9% azdır. Ölkədə traktorların istehsalı ötən ilin may ayından etibarən dayandırılmışdı və yalnız avqustda bərpa olunaraq dekabrda qədər davam edib və bu ilin fevralından yenidə bərpa olunub.
Xatırladaq ki, 2020-ci il ərzində Azərbaycan xaricdən 44,458 mln. ABŞ dolları (75,579 mln. manat) dəyərində 1 986 vahid müxtəlif növ traktor idxal edib.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button