İqtisadiyyat

Azərbaycanda xarici investisiyalı kommersiya qurumlarının sayı 7,2% artıb

Bu ilin iyunun 1-dək 16 121 xarici investisiyalı kommersiya hüquqi şəxs dövlət qeydiyyatından keçib.
Dövlət Vergi Xidmətindən “APA-Economics”ə verilən məlumata görə, bunlardan 10 787-nin fəaliyyəti aktivdir, 4 472-nin fəaliyyəti dayandırılıb, 862-si isə ləğv edilib. 
Hesabat dövründə fəaliyyəti aktiv olan xarici investisiyalı kommersiya qurumlarının sayı 2020-ci ilin müvafiq dövrü ilə müqayisədə 7,2% artıb. Qeydiyyatda olan xarici investisiyalı kommersiya hüquqi şəxslərin 18,2%-i xarici hüquqi şəxslərin Azərbaycandakı nümayəndəliyi və ya filialı, 78,1%-i məhdud məsuliyyətli cəmiyyət, 1,1%-i səhmdar cəmiyyəti və kooperativ, 2,6%-i isə digər təşkilati-hüquqi formalardadır.
Bu ilin yanvar-may aylarında dövlət qeydiyyatından keçən 359 xarici investisiyalı kommersiya hüquqi şəxsin 29%-i ticarət, 27%-i xidmət, 13,1%-i tikinti, 30,9%-i digər sahədə fəaliyyət göstərir.
Bu ilin may ayında dövlət qeydiyyatına alınan hüquqi şəxslərin 35-i Türkiyə, 7-si İran, 6-sı Pakistan, 3-ü Rusiya investisiyalı hüquqi şəxslərdir. 2021-ci il iyunun 1-nə 285 publik hüquqi şəxs dövlət qeydiyyatına alınıb.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button