İdman

Bədii gimnastlarımız daha 3 medal qazandı

Bədii gimnastlarımız 30 aprel-2 may tarixlərində Polşanın paytaxtı Varşava şəhərində keçirilən bədii gimnastika üzrə “İrina Cup” beynəlxalq turnirində daha 3 medal qazanıblar.

Trend Azərbaycan Gimnastika Federasiyasına istinadən bildirir ki, bu yarışda ölkəmizi Kamilla Seyidzadə, Alina Məmmədova, Məryəm Əliyeva, Gövhər İbrahimova, Aydan Rəhimova və Şəms Ağahüseynova təmsil edib.

Gimnastlarımız bu yarışdan vətənə 1 gümüş və 2 bürünc medalla geri dönüblər.

Gənclər arasında yarışan Kamilla lentlə final çıxışına görə gümüş medala layiq görülüb. 2009-cu il təvəllüdlü gimnastlar arasında çıxış edən Gövhər çoxnövçülükdə bürünc medal qazanıb. Şəms isə 2010-cu il təvəllüdlülər arasında çoxnövçülük yarışlarında 3-cü olub.

2009-cu il təvəllüdlülər arasında yarışan Məryəm medalın bir addımlığında dayanaraq, çoxnövçülükdə 4-cü olub. Onunla eyni yaş qrupunda mübarizə aparan Aydan isə həmin proqram üzrə 7-ci olub. Gənclər arasında iştirak etmiş daha bir gimnastımız Alina isə ən yaxşı nəticəni top və gürzlərlə göstərərək, hər iki çıxış proqramı üzrə finalda 6-cı olub.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button