İqtisadiyyat

Çin və Rusiya arasında ticarətin həcmi 30%-dək artıb

Bu ilin ilk yarısında Rusiya ilə Çin arasında ticarət dövriyyəsinin həcmi illik müqayisədə 28,2% artaraq 63,075 mlrd. ABŞ dollarına çatıb. İyun ayında ölkələr arasındakı ticarətin həcmi 12,2 mlrd. dollar təşkil edib.
“APA-Economics”in məlumatına görə, bu barədə Çin Xalq Respublikasının Baş Gömrük İdarəsinin açıqlamasında deyilir.
Məlumata görə, Rusiyaya ixrac ilin ilk yarısında 38,4% artaraq təxminən 28,9 mlrd. dollar təşkil edib. Rusiyadan idxal isə 20,6% artaraq 34,1 mlrd. dollara çatıb. 2020-ci ilin sonunda iki ölkə arasındakı ticarət həcmi illik nisbətdə 2,9% azalaraq 107,7 mlrd. dollar təşkil etmişdi.
Xatırladaq ki, son 20 ildə Rusiya ilə Çin arasında ticarət dövriyyəsinin həcmi 13 dəfə artaraq 104 mlrd. dollara çatıb.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button