İdman

Cüdo üzrə Azərbaycan millilərinin yeni formaları təqdim olunub – FOTOSESSİYA

Cüdo üzrə Azərbaycan milli komandalarının üzvlərinə yeni idman geyimləri təqdim olunub. 
Apasport.az saytının məlumatına görə, bu gün Azərbaycan Cüdo Federasiyasında kişilərdən və qadınlardan ibarət milli komandamızın üzvləri ilə görüş keçirilib. 
Azərbaycan Cüdo Federasiyasının vitse-prezidenti Sadıq Sadıqov iyun və iyul aylarında cüdoçularımızın iki nüfuzlu yarışda – dünya çempionatı və Olimpiya Oyunlarında – mübarizə aparacaqlarını diqqətə çatdırıb. Həmçinin milli üzvlərinin bu mötəbər yarışlara hazırlıq məqsədi ilə beynəlxalq və yerli təlim-məşq toplanışlarında iştirak edəcəyini bildirib. 
Görüş zamanı milli komandamızın yeni məşq və idman geyim dəstləri cüdoçularımıza nümayiş etdirilib. 
Daha sonra məşqçi, idmançı və texniki heyətə yeni geyim formaları təqdim olunub. Federasiya rəhbərliyi cüdoçularımıza qarşıdan gələn yarışlarda daha böyük uğurlar qazanmağı arzulayıblar.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button