Dünya

Ermənistanın bəzi şəhərlərində səslərin hesablanması zamanı işıqlar söndürülüb

Ermənistan bir sıra şəhərlərində bazar günü keçirilmiş növbədənkənar parlament seçkilərinin gedişatında siyasi qüvvələrin yığdığı səslərin seçki məntəqələrində hesablanması zamanı işıqlar söndürülüb.
Bu barədə “Report” “Novosti Armenia”ya istinadən xəbər verir.
Xüsusi halda, Aparan şəhərində 17/27 seçki məntəqəsindən bütün şəhərdə işıq söndürülməsi barədə informasiya daxil olub.
Agentliyin mənbələri bildirib ki, işıqlar həmçinin Vanadzorda söndürülüb. Gümrüdə, Armavirdə, Dilicanda da elektrik enerjisinin kəsilməsi haqqında bildiriblər.
Dünən Ermənistanda ölkə tarixində ikinci növbədənkənar parlament seçkiləri keçirilib. Seçkilərdə 21 partiya və 4 blok iştirak edib. Səsvermə prosesi bir sıra kobud qanun pozuntuları, hətta silahlı insidentlə müşayiət olunub. Erməni müxalifətçilər səsvermələri ölkə tarixini ən rüsvayçı seçkiləri adlandırıblar. Paşinyanın əleyhdarları bildiriblər ki, indiyə ədər heç bir seçkidə belə qanunsuzluqlar qeydə alınmayıb.
Ermənistanın Baş Prokurorluğuna səsvermələrin gedişatında 300-dən çox qanun pozuntusu barədə məlumat daxil olub.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button