İdman

Fatih Terim “Qalatasaray”la Super Liqada 400-cü oyununa çıxıb

Türkiyə Super Liqasının 41-ci turunda “Dənizlispor”la səfər oyunu “Qalatasaray”ın baş məşqçisi Fatih Terim üçün əlamətdar olub.
Apasport.az saytının məlumatına görə, “cim-bom” 67 yaşlı mütəxəssisin rəhbərliyi altında ölkə çempionatında 400-cü matçına çıxıb.
Terim 1996-cı ildən 4 müxtəlif dönəmdə “sarı-qırmızılılar”ın sükanı arxasına keçib. Komanda onun rəhbərliyi altında keçirdiyi 399 görüşün 251-də qələbə qazanıb, 91-də heç-heçə edib, 57 məğlubiyyət alıb. Bu oyunlarda 831 qol vuran İstanbul təmsilçisi özü 374 dəfə mərkəzə dəvət olunub.
Fatih Terim “Qalatasaray”a 8 dəfə Super Liqa çempionluğunu, 3 dəfə Türkiyə kubokunu, 3 dəfə Türkiyə Superkubokunu, 1 dəfə də UEFA Kubokunu qazandırıb.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button