Dünya

Hindistanda koronavirusla bağlı gündəlik ölüm sayında rekord qeydə alınıb

Ötən gün Hindistanda koronavirusa yoluxanların sayı 94 052 nəfər artaraq 29 183 121 nəfərə çatıb.
“Report” TASS-a istinadən xəbər verir ki, bu barədə ölkənin Səhiyyə və Rifah Nazirliyinin saytında məlumat verilib.
Məlumata görə, son 24 saat ərzində infeksiya ilə bağlı ölüm hallarının sayı 6 148 nəfər artaraq 359 676 nəfərə çatıb. Bu, ölkədə pandemiya başlayandan indiyədək qeydə alınan ən yüksək göstəricidir. Mayın 19-da qeydə alınmış əvvəlki antirekord 4 529 nəfərə bərabər idi.
Nazirliyin məlumatına görə, son 24 saat ərzində 151 367 xəstə COVID-19-dan sağalıb. Bununla da sağalan şəxslərin ümumi sayı 27 655 493 nəfərə çatıb. Bundan əlavə, ölkədə aktiv xəstə sayı 1 167 952 təşkil edir.
Ötən gün ərzində infeksiyaya qarşı 3 379 261 nəfərə vaksin vurulub. Beləliklə, ölkədə peyvənd olunmuş şəxslərin ümumi sayı 242 726 693 nəfərə çatıb.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button