Dünya

Hindistanda qasırğa nəticəsində ölənlər var

Hindistanın qərb sahillərində tüğyan edən Tauktae siklonunun yaratdığı fırtına və leysan yağışlar nəticəsində 8 nəfər ölüb.
“Report” yerli KİV-ə istinadən xəbər verir ki, onlardan 2-si Maharaştra, 6-sı Kərnətəkə ştatındandır.
Təbii fəlakət nəticəsində Kərnətəkə ştatı ərazisində 333 ev, 57 km yol dağılıb, bütövlükdə 121 kənd ziyan çəkib. Ziyan çəkən sakinləri yerləşdirmək üçün 13 düşərgə təşkil edilib. Həmçinin, Mumbai şəhərində hava limanı və dəmir yolların fəaliyyəti dayandırılıb. Maharaştra ştatında isə 839 evin dağıldığı bildirilir, 12 mindən artıq sakin təxliyə olunub. Qonşu Qucarat ştatında da sahil bölgələrindən 150 minədək əhalinin təxliyə olunacağı açıqlanıb.
Ərəbistan dənizi tərəfdən gələn siklon sayəsində küləyin sürəti 155 km/saatadək yüksəlir. Siklon təqribən 20 km/saat sürətlə şimal, şimal-qərb istiqamətində hərəkət edir.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button