İqtisadiyyat

İdarələrarası Mərkəzin nümayəndələri Ağdamda tikilən yarımstansiyalara baxış keçiriblər

Azərbaycan Respublikasının işğaldan azad edilmiş ərazilərində məsələlərin mərkəzləşdirilmiş qaydada həlli ilə bağlı Əlaqələndirmə Qərargahının İdarələrarası Mərkəzinin nümayəndələri Ağdam rayonunda tikilən “Ağdam-1” və “Ağdam-2” yarımstansiyalarına baxış keçiriblər.
APA-nın yerli bürosu xəbərinə görə, bildirilib ki, yarımstansiyalara “Xındırıstan” yarımstansiyasından 40 km məsafədə ikidövrəli 110 kilovoltluq yüksəkgərginlikli elektrik verilişi xətti çəkilir.
“Ağdam-1” yarımstansiyasının yaxınlığında “Azərenerji”nin Qarabağ Regional idarəetmə mərkəzi də tikilir ki, burada ən müasir rəqəmsal avadanlıqlar yerləşdirilməklə işğaldan azad edilən rayonların avtomatik idarəetməsi reallaşdırılacaq.
Qeyd olunub ki, “Ağdam-2” yarımstansiyasında işlərin böyük hissəsi artıq görülüb, tikinti yekunlaşmaq üzrədir. “Ağdam-1” yarımstansiyasında da işlər sürətlə aparılır.
Ərazidəki enerji təsərrüfatında bütün işlərin yaxın aylarda yekunlaşdırılması planlaşdırılır.
Qeyd edək ki, Əlaqələndirmə Qərargahına Azərbaycan Respublikası Prezident Administrasiyasının rəhbəri Samir Nuriyev rəhbərlik edir.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button