İdman

İngiltərə UEFA reytinqində mütləq rekorda imza atacaq

UEFA reytinqində mövsümü 1-ci yerdə bitirəcək ölkə müəyyənləşib.
Apasport.az saytının məlumatına görə, üç klubu finalda oynayacaq İngiltərə mövsümün sonunda zirvədə qalacağını təmin edib.
Bu, son 9 ildə ilk belə hadisədir. Premyer Liqa zirvəni La Liqanın əlindən alır.
İngiltərə sonuncu dəfə 2011/12 mövsümünün sonunda 1-ci pillədə olub. Futbolun yaradıcılarının zirvəyə dönməsinə son beş mövsümdən üçündə İspaniya klublarından daha yaxşı oynamaqları səbəb olub.
Həmçinin İngiltərə bir mövsümdə toplanan xallar üzrə mütləq rekord müəyyənləşdirəcək. İspaniyanın 2015/16 mövsümündə topladığı qədər – 23,928 xal toplayan britaniyalılar final matçlarındakı xallarla mütləq rekord vuracaq.
Qeyd edək ki, Avropa Liqasının finalında “Mançester Yunayted”lə “Vilyarreal”, Çempionlar Liqasında isə “Maneçster Siti” və “Çelsi” görüşəcək.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button