İdman

Lionel Messi “Barselona” ilə 5 illik müqaviləyə razılaşıb

“Barselona” kapitanı Lionel Messi ilə yeni müqavilə məsələsində ilkin razılığa gəlib.
Apasport.az saytının məlumatına görə, bu barədə “Diario Sport” xəbər yayıb.
Argentinalı superulduzun daha əvvəl 2 illik saziş bağlaması müzakirə olunurdu. Lakin tərəflər daha uzun müddət işbirliyini davam etdirmək qərarına gəlib. Bildirilir ki, Leo daha 5 il yüksək səviyyədə oynamaq gücündə olduğunu düşünür və bu üzdən yeni 5 illik müqavilənin imzalanması nəzərdə tutulub.
34 yaşlı oyunçu maaşının 50 faiz azaldılmasına da razılıq verib. O, klubun çətin anlar yaşadığını başa düşdüyü və komanda yoldaşlarına nümunə olmaq üçün bu şərtləri qəbul edib. Hazırda müqavilənin son detalları dəqiqləşdirilir. “Barsa” rəhbərliyi iyulun sonlarında Messi ilə yeni sözləşməni rəsmən imzalamağı planlaşdırır.
Qeyd edək ki, “Barselona” akademiyasının yetirməsi olan Lionel Messi 2004-cü ildən əsas komandada çıxış edir.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button