İdman

Mahir Emreli “Legiya”da debütdə het-trik edib

Azərbaycan millisinin futbolçusu Mahir Emreli bu yay transfer olunduğu Polşanın “Legiya” klubunda ilk oyununa çıxıb.
Apasport.az saytının məlumatına görə, 24 yaşlı hücumçunun Varşava təmsilçisindəki qeyri-rəsmi debütü yoxlama görüşünə təsadüf edib.
Mahir Avstriyanın “Bişofshofen” klubu ilə qarşılaşmaya start heyətində çıxıb. Futbolçumuz artıq 6-cı dəqiqədə sonra həm matçda, həm də özünün “Legiya”da qol hesabını açıb. O, 22-ci və 36-cı dəqiqələrdə də rəqib qapısına yol taparaq het-trikə imza atıb. 
31 dəqiqəyə üç dəfə fərqlənən Emreli ilk yarıdakı bütün qolların müəllifi olub. Fasilədən sonra daha iki qol vuran “Legiya” rəqibinin darmadağınını 5:0-a çatdırıb.
Qeyd edək ki, Mahirin komandası yeni mövsümə hazırlıq çərçivəsində növbəti matçını iyunun 20-də Macarıstan təmsilçisi “Ferensvaroş”a qarşı keçirəcək.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button