Dünya

Nigeriyada təyyarə qəzası qurbanlarının sayı artıb

Nigeriyanın Kadun ştatında hərbi təyyarənin qəzaya uğraması nəticəsində ölənlərin sayı 11 nəfərə çatıb.
“Report”un “Anadolu” agentliyinə istinadən məlumatına görə, bu barədə Nigeriya Müdafiə Nazirliyinin nümayəndəsi Məhəmməd Yerima bildirib. O, qeyd edib ki, Abujidən səmaya qalxmış təyyarədə Silahlı Qüvvələrin Baş Qərargah rəisi İbrahim Attairu da olub.
Onun sözlərinə görə, qəzanın təfərrüatı və matəm mərasimi haqqında təfsilat yaxın vaxtlarda elan ediləcək.
Öz növbəsində Nigeriya prezidenti Məhəmməd Buhari də qəzada həlak olanların doğmalarına və yaxınlarına başsağlığı verib
“Onların hamısı bu torpaqda sülhü və təhlükəsizliyi təmin etmək üçün yüksək qiymət ödəyən qəhrəmanlardır”, – deyə dövlət başçısı tvitterdəki səhifəsində yazıb.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button