Cəmiyyət

“Qaliblər düşərgəsi”ndə ilk gün iştirakçılar üçün yaddaqalan olub

Azərbaycanın ərazi bütövlüyü uğrunda canından keçən qəhrəmanlarımızın övladları üçün təşkil olunan “Qaliblər düşərgəsi”ndə ilk gün maraqlı məqamları ilə yadda qalıb.
“Report” xəbər verir ki, iştirakçılar “Mamajan” restoranında kulinariya dərsləri keçiblər. Əyləncəli dəqiqələr yaşayan “Qaliblər” aşpazların müşayiəti ilə gürcü xəngəli hazırlayıblar. Onlara verilmiş resept əsasında bacarıqlarını nümayiş etdiriblər.
“Qaliblər” “Mən özümü necə inkişaf etdirim: Empatiya nədir?” mövzusunda təlimə də qatılıblar. Bussines Development Centerin təlimçisi Eltac Cəbiyev iştirakçılara özünüinkişaf yolları, empatiyanın növləri və biznesdə əhəmiyyəti barədə ətraflı məlumat verib. Empatiya qabiliyyətinin insan həyatındakı müsbət tərəfləri izah olunub.
Günün ikinci yarısı da əyləncəli keçib. İştirakçılar üçün karate, rəqs və futbol dərsləri başlayıb.
“Qaliblər düşərgəsi” maarifləndirici və əyləncəli proqramları ilə davam edir.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button