İdman

Qurban Qurbanov oğlunu komandasına qaytarır

Azərbaycan yığmasının hücumçusu Musa Qurbanlının durumu bəlli olub.
Apasport.az saytının əldə etdiyi məlumata görə, gənc hücumçu müqavilə ilə məxsus olduğu “Qarabağ”a qayıdacaq.
Ötən mövsümün ikinci dövrəsini icarə əsasında “Zirə”də keçirən 19 yaşlı forvard paytaxt klubunu tərk edib. Hazırda 19 yaşadək futbolçulardan ibarət yığmanın düşərgəsində olan Qurbanov yeni mövsümün təlim-məşq toplanışına “Qarabağ”la başlayacaq.
O, növbəti mövsüm atası Qurban Qurbanovun sərəncamında olacaq. Təcrübəli mütəxəssis oğlunu komandaya qaytarmaq qərarına gəlib.
Qeyd edək ki, mövsümün ilk yarısında “Qarabağ”ın heyətində Premyer Liqada 5 oyunda 1 qol vuran Musa Qurbanlı bu ilin əvvəlindən formasını geyindiyi “Zirə”də 9 matçda iştirak edib, 1 dəfə fərqlənib.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button